تزوجت وعمري 18
وتوفى زوجي وعمري اربعة وعشرين بعد ما جبت ثلاث اميرات.. كنت احب زوجي حب جنووني وجلست في حالة صدمة وبؤس وحسيت الدنيا انتهت بعد العدة بشهرين تفاجأت ان ابوي يفاتحني ان اخو زوجي تقدملي .. رفضت رفض قاطع وانهررت وبكيت .. وقالي خلاص اللي يريحك .. لكن تفاجأت ان الموضوع.
ما توقف هنا جوا اهل زوجي وامه تبكي وتقنعني ان مهما طال الزمن لازم اتزوج ومستحيل احد بيحب بناتي كثر عمهم ويخافون من زوج الام لا يعذبهم او او لين كملت السنة على موت ابو بناتي فتحوا معي الموضوع مرة ثانية وانا بهالفترة كنت احس بضيق فظيع فبيت اهلي احس محد يتحمل بناتي ودايما احسهم موطايقينا فصليت استخارة ووافقت والكل انبسطط على موافقتي ملكنا ورحت لشقة مجهزة لنا .. وكان انسان شهم بمعنى الكلمة يكلمني بكل ذرابة واشوفه كيف يلاعب بناتي ويجيبلهم طلباتهم ومو مقصر معاهم .. رافض تروح بنتي الكبيرة الروضة بالباص هو يوميا ياخذها ويرجعها وفرحت بقراري ذا حسيته منجد ابوهم
وهم تعلقوا فتعلقوا فيه ماكان يبات عندنا بس يومنا يجي عند البنات يمشيهم ويشتريلهم وساعات ينسدح بالصاله وهم جنبه يلعبون بس أنا كنت اتهرب منه ولا دخل الشقة ... دخلت غرفتي وعلاقتي بزوحته جميله احس لأنها عارفه أن ما بيني وبين زوجها شي كأننا أخوان .. لين بعد فترة رحنا مناسبه ناس قربيين منا وعاد أول مرة اكشخ بشكل واضح كنت ماغير احط ماسكارا وروج هو كان بياخذني للحفل ويأخذ البنات معه دخل الشقه وشافني بكامل اناقتي واول مرة من تزوجنا يشوفني كذا قدامه حسيته لف راسه انحرج وأنا مت حياء ماكنت عارفه أنه بيدخل علي بالي بيدق على جوالي ونحن بننزل له بسيارة بعد هالموقف
تخربط كياني وحسيت بخجل مع فرحه مقدر اوصف لكم وطول المناسبه وانا مو على بعضي لين رجعنا البيت حطني وتأكد أنه دخلنا الشقه وراح قلت اللبنات يروحوا يناموا وانا رحت أكلم اختي بحكيلها عن اللي صار شوي الا باب الشقه ينفتح استغربت وسكرت الجوال واحط الطرحه وأكلمه عسى ماشر وش صار يقولي لا بس متزاعل انا وزوجتي دخلت في غرفتي شويات كذا وهو يدق علي باب غرفه نومي فتح الباب وقالي انه يبغى يكلمني بموضوع ومن بدأ يتكلم قال والله اني احبك وتعلقت فيك حرام عليك لا تعذبيني انتي زوجتي على سنة الله ورسوله وانا ابغاك وكل يوم افكر فيييك وعطاني كلام صدم كياني طول هالفترة وهو يكن لي
يكن لي مشاعر ومخبيها اللي صار اني انهرت بكييت وبكييت قام حضني وبعدها ما يحتاج اقولكم وش صار.الحين وبعد ما مرت شهور وصرت زوجته رسممي وصار ينام ليلتي عندي واحس اني مرتاحة ومبسوطة بس زوجته للحين مو فاهمة ان اتفاقنا نقضناه تدري انه ينام عندي بس تحسب انه عشان البنات وفحصت هالشهر وطلعت حامل زوجي مبسوط بس انا ميتة حياء كيف بخبر الناااس .. كيف بخبر اهلي وزوجته احس كني مرتكبة معصية والعياذ بالله .
خصوصا يوم اذكر كيف بكيت اني ما ابغاه وكيف شرطت اني ما انام معاه ..
يا ناس قسم بالله مالي وجه اطالع فأحد .. وش هالمشكلة اللي وقعت فيها وش الحل؟