👈🏻«الحــرب السـرية»
هى مصـــر عندها ايه يعنى علشان العالم كله يتآمر عليها .. أغرب وأغبي سؤال ممكن تسمعة من مدعى المعارضة اللى شايفين العالم حوالينا تم إحراقة فى كماشة مغلقة لحصار مصــــر ولسه بيكابروا ويغيبوا عقول الناس بيزيفوا وعيهم إن مصــــر معلهاش مؤامرة .. وكأن تفكيك الجيوش الوطنية وتدمير دول زى العراق وسوريا وليبيا واليمن والسودان صدفه .
.jpeg)
النهاردة مش هنتكلم عن الثروات اللى بتملكها مصــــر ونفسهم الفوضى تعم فيها علشان تتباع فى السوق السوداء بأرخص الأسعار ولا هنتكلم عن ضرورة ضرب جيشها القوى اللى بيعتبر حائط الصد أمام مؤامرات تفتيت المنطقة والخطر الحقيقى والوحيد على أبنهم المدلل الكيان الإسرائيلى .
ولكن هنكلم النهاردة عن جوهرة مصـــر الحقيقية وكنزها الإستراتيجى .. قناة السويس ويمكن هصدمك وأقولك إن أهمية قناة السويس للعالم الأهمية الرئيسية مش أقتصادية ولا تجارية ولا العالم مهتم بالكام المليار اللى بيطلعوا كل سنة كرسوم عبور السفن .. أهمية قناة السويس للعالم ورغبتهم المستمرة فى السيطرة عليها أهمية عسكرية فى المقام الأول .
القوى العالمية المتصارعة سواء فى الشرق أو الغرب فهمة انه اللى يتمكن من السيطرة على قناة السويس هيمتلك عنصر قوة إستراتيجى فى حال نشوب الحرب يمكنها من التفوق العسكرى على المعسكر الأخر .. لأنها أسرع وأقصر وأهم ممر ملاحى عسكرى لتحرك القوات البحرية والإمداد والتموين العسكرى فى العالم .
من هنا هتفضل قناة السويس حلم لا يغيب عن القوة الكبرى المتصارعة فى العالم لوضع أيدهم عليها مهما كلفهم الأمر من ثمن .. عاوز تتأكد من الكلام ده النهاردة معنا وثيقة يمكن من أخطر الوثائق اللى خرجت فى القرن الـ 21 قنبلة سياسية فجرتها الـ BBC من داخل صندوق أسرار الجيش البريطانى بتكشف الوجه القبيح لبريطانيا رأس حربة الشر فى العالم .
فى يونيو 2023 بريطانيا تفرج عن عدد من الوثائق السرية إلى النور بحكم القانون البريطانى .. الوثائق بتكشف أسرار الدور البريطانى فى إجهاض أحد أكبر مشروعات تطوير الممر الملاحى العالمى قناة السويس .. وده كان فى زمن الرئيس الراحل (جمال عبد الناصر) وبإعتراف الـ BBC الجناح الأعلامى للمكتب السادس أو المخابرات البريطانية فإن المشروع اللى عرقلتة بريطانيا هو نفسه مشروع قناة السويس الثانية اللى حفرها المصريين بعد أكثر من نصف قرن وتحديداً فى زمن ((الرئيس/عبد الفتاح السيسى)) .
الوثائق بتكشف إن كان للجيش البريطانى دور .. ودور مؤثر وكبير فى إتخاذ لندن قرار الأعتراض على التمويل الدولى للمشروع اللى جه بعد عامين فقط من تأميم شركة قناة السويس وفشلهم فى إستردادها بحرب العدوان الثلاثى فى 56 وبحسب الـ BBC فى عام 58 مصـــــر قررت بدء مشروع طموح لتطوير القناة بهدف تعظيم الإستفادة من الممر الملاحى العالمى فى تنفيذ مشروعات التنمية الوطنية الخطة دى إطلق عليها مشروع ناصر وكانت عبارة عن ثلاث مراحل .
المرحلة الأولى : زيادة عمق القناة لكى تستوعب السفن ذات الغاطس الذى يصل إلى 37 قدم بدل من 35 .
المرحلة الثانية : تعميق الممر الملاحى إلى 40 قدم .
المرحلة الثالثة : حفر قناة موازية كى يسهل مرور السفن فى الإتجاهين فى وقت واحد وهو الأمر اللى من شأنه زيادة حركة المرور فى القناة وبالتالى زيادة الدخل من العملة الصعبة .
بمجرد تأكيد السفارة البريطانية فى القاهرة هذه المعلومة وعزم الحكومة المصــرية التقدم بطلب للحصول على قرض بتتراوح قيمتة بين 120 مليون و 200 مليون جنية إسترلينى من البنك الدولى طلبت الحكومة البريطانية من الجيش البريطانى تقييم المشروع من الناحية الإستراتيجية والحربية .. وبعد دراسة المشروع أنتهت هيئة التخطيط العسكرى التابع لوزارة الدفاع البريطانية إلى توصية الحكومة برفضة والسعى إلى منع البنك الدولى من تمويلة .
وهنا السؤال المهم ؟ ليه بريطانيا فى التوقيت ده اللى هو سنة 1958 كتب جيشها تقرير بعنوان الجوانب العسكرية لتطوير قناة السويس .. اتكلموا فيه عن الفائدة الحربية والإستراتيجية اللى هتعود على مصـــــر لما تحفر قناة تانية مهما كان طولها هى نفس المزايا اللى اتكلمنا عنها واتكلم عنها العديد من المفكرين المصريين من 8 سنين لما بدأنا فى حفر قناة السويس الثانية .. بس حضرتك شوفت الكلام ده تطبيل وكنت محتاج ختم أجنبي على كلام المصريين الوطنيين علشان عقدة الخواجة .
التقارير البريطانية الحكومية والعسكرية وقتها يعنى من 65 سنة رفضت مشروع ناصر اللى بعد كده بقى دلوقتى هو قناة السويس الثانية ومحور قناة السويس لأنه هيزود الأهمية العسكرية للممر الملاحى ودورها الإستراتيجى .. وبما إن مصـــر على خلاف مع الغرب فقد تستخدم هذه القناة ضد المصالح الحربية الغربية التقارير العسكرية قالت بالنص إن تطوير قناة السويس سوف يقود أهداف وإستراتيجية المملكة المتحدة فى الشرق الأوسط العسكرية والأقتصادية .
طالما الغرب مش ضامن أن القناة بعد التطوير هتكون تحت سيطرتهم بسبب التأمين خصوصاً مع ميل ناصر للتحالف مع الاتحاد السوفيتى والشرق الأسيوى على حساب الغرب أو أوروبا وأمريكا .. كمان الوثيقة قالت إن المشروع ده هيتسبب فى نهضة مصــــرية وده بأموال البنك الدولى ساعتها فالندن شافت إن ده هتبقى اشارة سيئة جداً لحلفاء بريطانيا فى الشرق الأوسط والتقرير اشار لهؤلاء الحلفاء بالاسم وهم اعضاء حلف بغداد .. وده الحلف العسكرى اللى بريطانيا أسسته فى الشرق الأوسط لضم الدول الموالية لها إيران وتركيا والعراق وباكستان .
بريطانيا فى تقرير ثانى أطلعت عليه الـ BBC بردو قالت إن العوائد المادية لتطوير قناة السويس سوف يؤدى إلى تحسين وتعزيز الأقتصاد المصــــرى وده بدوره هيؤدى إلى تضخم دور مصــــر فى السودان وليبيا والعراق والأردن وده أمر مرفوض بريطانياً .. بريطانيا سيطرت على المشهد داخل البنك الدولى وفرملة الموافقة على القرض لمصــــر بعد أن أنتهت وزارة الخارجية البريطانية إلى تقييم مماثل لوزارة الدفاع .. وتم الإتفاق على بدء حملة سرية لإقناع أمريكا والدول الغربية الكبرى ذات الصوت العالى فى البنك الدولى لرفض طلب القرض المصـــرى .
الـ BBC بشكل واضح بتقولك إن بسبب العرقلة البريطانية لم يتم تنفيذ المشروع وتأخر تنفيذه إلى أن أفتتح ((الرئيس المصرى /عبد الفتاح السيسى)) قناة السويس الثانية فى 6 أغسطس 2015 لما تشوف النهاردة قائمة الحاضرين لإفتتاح قناة السويس الثانية تلاحظ للمرة الأولى إن مفيش أى مسؤول ولو درجة عاشرة حضر من بريطانيا ولا الولايات المتحدة الأمريكية .. يعنى رؤساء فرنسا وكرواتيا وجنوب أفريقيا وفلسطين والعراق واليمن ومالى وجزر القمر والمالديف والنيجر والجابون وتوجو والكونغو وموريتانيا كانوا حاضرين .
رؤساء وزراء الإمارات وصيربيا وروسيا وإثيوبيا كانوا حاضرين حكام الأردن والكويت والبحرين كانوا حاضرين مبعوث الرئيس الصينى ورئيس البرلمان الجزائرى وأمير مكة المكرمة حضروا ممثلين عن زعماء بلادهم إلا لندن وواشنطن كل يوم بنكتشف زاوية جديدة لحقيقة الصفعة والضربة اللى مصــــر وجهتها للعدو بثورة 30 يونيو والقرارات اللى إتخذت بعد هذه الثورة وكل يوم بنفهم ليه عواء الإخوان وظاهرهم المدنى بيكون شديد على المشاريع دى .
بريطانيا سنة 58 كانت بتتحرك بتقارير من الجيش والخارجية والخزانة إنما بريطانيا سنة 2015 إتحركت بالإخوان اللى قالولك تفريعة وحاولوا يحشدوا الرأى العام فى مصــــر علشان يرفض المشروع .. خد بالك حفر قناة السويس الثانية تم بالتمويل الشعبي الدولة المصـــرية لما فاقت ردت بعد نصف قرن بريطانيا حكومة وجيش وأعلام بتقولك رسمى عبر الـ BBC ايه هى فائدة المشاريع وليه لازم تكمل وليه مينفعش توقف أبداً ثورة البناء والتعمير والتشغيل والتطوير اللى بدأت على أيـد ((الرئيس/عبد الفتاح السيسى)) .
علشان كده هيفضل التآمر على مصــــر مستمر وهتفضل قناة السويس مطمع خصوصاً بعد إحتدام الصراع بين الشرق والغرب أو الصين وروسيا كطرف وأوروبا وأمريكا كطرف لأن الحرب القادمة المحتملة هتكون حرب بحرية بإمتياز سواء فى منطقة Indo-Pacific والمحيط الهادى والهندى أو فى المحيط الأطلنطى والممر الوحيد الأسرع والأقصر فى العالم اللى بيربط المنطقتين دول هى قناة السويس المصــــرية واللى يتحكم فيها من المعسكرين ضمن الإنتصار على المعسكر الثانى علشان كده بنشوف كل يوم فخاخ وكمائن هدافها تدويل إدارة القناة .
علشان يكون باب خلفى للسيطرة عليها سواء بمحاولات نشر الفوضى فى مصــــر أو دعم الإرهاب أو السفن الجانحة المهم يبان إن مصــــر غير قادرة على حمايتها أو إدارتها علشان كده المؤامرة مستمرة .. اما سنة أولى سياسة بتوع هو الغرب ممكن يفكر يتآمر على مصـــر ليه فأنصحهم بإعتزال الأهتمام بالشأن العام والوطنى والسياسي لأن بريطانيا بتنشر سنويًاً مجموعة وثائق كفيلة إنها تعطينا الأجابة بالنظر إلى كتب التاريخ وكيف تآمر الشرق والغرب على هذا البلد منذ الحروب الكبرى بين الفرس وقدماء اليونان يقدملك الأجابة عبر التاريخ .
مصــــر لا تهزم .. مصـــــر غير قابلة للعزل أو الكسر .. مصـــــر ممكن تخسر جولة ولكن على المدى البعيد والنفس الطويل مصــــر تربح دائماً .
🤲🏻حفظ الله مصـــــر من كل سوء
وجعلها كما تستحق أمة عظمى بين الأمم
حفظ الله شعبها العظيم الأبي