ناس كتير لو سألتها عن محافظات مصر او عددهم في الغالب هتكون إجابتهم منعرفش وكثير من الناس هيعجزوا يفتكروا كل المحافظات ..
لكن خلينا نتكلم عن محافظات مصر .. جم منين .. قسموهم ازاي .. وهكذا ..
مصر اداريا تقسم لـ 7 أقاليم .. كل اقليم فيه كذا محافظة ...
الـ 7 أقاليم هي ايه؟
1 - إقليم القاهرة الكبرى ودا عقبال ولاد الحبايب يشمل 3 محافظات ... هي القاهرة - الجيزة - القليوبية.. وكلهم بيربطهم الدائري..
2 - إقليم الإسكندرية ودا برضه عقبال ولاد المصيفين .. يشمل 3 محافظات هي .. الإسكندرية - البحيرة - مطروح. (كدا 6 محافظات).
3 - إقليم الدلتا ودا كبير شويتين .. ودا بيشمل الدقهلية - وكفر الشيخ - والغربية - والمنوفية - ودمياط يعني 5 محافظات.
4 - أقليم القناة انت اكيد عارف مدن القناة 3 الاسماعيلية وبورسعيد والسويس .. ومعاك سينا شمال وجنوب .. وضيف عليهم الشرقية .. يعني 6 محافظات .. كدا بقينا 17 محافظة... (3 كبري - 3 اسكندرية .. 5 دلتا = 6 قناة).
5 - إقليم شمال الصعيد ودي بتبدأ من بعد الجيزة وانت مقبل ... يعني بني سويف رجالة بحد السيف والمنيا عروس الصعيد - والفيوم يعني الناس الحلوة .. كدا بقينا عشرين محافظة..
6 - اقليم وسط الصعيد ودا محافظتين بس .. اللي هما .. اسيوط .. والوادي الجديد... (كدا بقينا 22 محافظة)
7 - إقليم جنوب الصعيد ودا يا سيدي بيتكون من 5 محافظات .. الا وهي (سوهاج - قنا - الأقصر - أسوان - البحر الأحمر) .. كدا بقينا 27 محافظة ..
يعني محافظات مصر 27 محافظة..
وسؤالنا لكل متابعينا الكرام .. انت من محافظة ايه واقليم ايه ..