للي مش متابع الترند اليومين دول ففي جزار بيقول انه بيتعرض عليه العضمة دي ناس تشتريها ب 7000 جنية بس هو عشان عارف انها بتستخدم في الس_حر فبيكسرها ومش بيبيعها والبوست بقي ترند في خلال ساعات. فحبيت اكتب توضيح لعله يفيد حد ان شاء الله.
تفتكر لو انا جبت ورقة وكتبت فيها اي طلس_م من طلاس_م الس_حر وكتبت فيها اسمك واسم أمك وكتبت توكلو يا خدام هذا الطل_سم الشريف بإمراض فلان ابن فلانه بكذا وكذا, وبعدين اخدت الورقة دي ودفنتها في المق_ابر, تفتكر انت ساعتها هيحصلك ايه؟ هتمرض؟
ولا الهوي يا معلم, مجرد ورقة واتدفنت في الم_قابر عادي جدا!
طب ليه نفس الورقة بالملي لو كتبها س_احر فانت فعلا هتمرض؟ عشان ببساطة الس_احر معاه خدام من الشيا_طين بينفذوله طلباته. والورقة دي ما هي الا عقد بينه وبين خادم السح_ر, بينما انت علي الله, فورقتك ملهاش لازمه ومش عقد بينك وبين حد.
فيا حبيب اخوك, الس_احر يكتب العقد ده (العمل) علي ورقة يكتبه علي عضمه يكتبو علي جلد معزة مش هتفرق ممكن يكتبه علي اي حاجه عادي. اه طبعا كل ما زاد كفر الس_احر كل ما زاد قوة العمل وقوة خادم السح_ر عشان كده أوقات بيكتبو علي عظام الم_وتي وغيرها. لكن العضمة اللي حضرتك شايفها دي بتاعة ذبيحة مذكور عليها اسم الله فبالنسبة ليهم متسواش عشره جنيه.
ومن نفس المثال اللي فوق تستنج انه ابطال الس_حر لا يتطلب معرفة مكانه اصلا, وحضرتك وانت قاعد في البيت تقدر تسمع رقية من علي الإنترنت مره كل يوم لمدة اسبوع او شهر لحد ما تخف ان شاء الله من غير ما تحتاج تروح لحد يزيد أذاك ويخلص فلوسك.