لو سمحتوا مشكلة واحدة صاحبتي وعاوزة رايكم
انا دلوقتى في واحد متكلم عليا وعاوز يتجوزنى وكدة وكدة هو انسان محترم وطيب المهم المشكله ان أبوه وأمه منفصلين وابوه مالوش علاقه بيه ومش هيساعده ف حاجه هو اللي هيجيب لنفسه كل حاجه المهم أن ماما قالتله انك لما تجيب شقه تجيبها ف عمارة فيها اسانسير فهو بص وسكت وقال حاضر وبعدها انا قولت ليه نفس الكلام قالي حاضر لقيته من يومين بيقولي ف شقه هيروح يشوفها قولتله فيها اسانسير قال لا قولتله مانت عارف انا عاوزه ايه وماما قالتلك ايه قالي طب دة مش ف مقدرتي قولتله قولت ليه انك هتجيب قالي قولت يمكن الدنيا تتظبط اعمل ايه وانتي ليه مش حاسه بحاجه انا محدش بيساعدنى قالي لو عاوزانى هتعيشي معايا ف اي مكان قالي لو معايا مش هستخسر قولت ليه ليه وافقت واتخانقنا وزعقنا مع بعض وقالي انتي بتتنكي واهم حاجه عندك المظاهر وشكلك قدام الناس مش عارف بتتنكى علي ايه وقفلنا مع بعض الصبح اتصل بيا بيقولي انا زعلان منك وانا بحبك واستغربت من ردك وانا لو معايا هجيبلك احسن حاجه ف الدنيا بس انا نفسيتي وحشه بسبب كلامه وأنه غلط فيا وأن كدة هتحصل مشكله بسبب حوار الشقة والاسانسير اعمل ايه ومين غلطان فيدونى بالله عليكم وشكرا
الحل
بصراحه إنتي غلطانه لأن خطيبك بيحبك بس هو موش حيقدر يجيب لك شقه بأسانسير لأنه ظروفه ماتسمحشي ياريت تعذروه وبلاش تمسكوا في الحاجه اللي مالهاش لازمه لأن ممكن النور يقطع حتعملوا إيه ساعتها؟ ياريت تغيروا أفكاركم شويه وماتعمليش مشكله من غير مشكله ونصيحتي أوعي تتبطري علي خطيبك لأن البطران سكته٠٠٠٠٠ وربنا يوفقك ويصلح حالك وحالنا حبيبتى يااارب
سيبيه من دلوقت افضلوا وافضلك هو محتاج حد يقدر ظروفه وانتي تطلاعتك انتي وماما اكبر من امكنياته فممكن متتفقوش مستقبلا ويكون في لاسمح الله طلاق ومشاكل ...لا ضرر ولا ضرار ده لمصلحتكوا انتوا الاتنين
