انا عندى 22 سنة متجوزة من 7 شهور ربنا كرمنى وحصل حمل على طول بس هو وامه بيعاملونى مش كويس مش بيرضي يديني مصروف للبيت ولا بيخليني اخرج خالص ومش مديني مفتاح للبيت بيخرج هو واهله ويقفلوا عليا وعلى طول ف مشاكل وخناق من ساعة ما دخلت وانا مكنتش برد ولا بتكلم ولا بحكي لاهلى على حاجه انا والدى متوفى ف جيت ف اسبوع الفرح اتزقت ف فلوس عشان تجهيزات الفرح اللى هو المفروض كان يقوم بيها كلها بس كنت كل ما اطلب منه فلوس ميرضاش يديني ويقولى ممعييش ف انا بعت خاتم من بتوعى وزنه 2 جرام عشان افك زنقتى ومقولتش لحد خالص بحسن نية منى وعلى اساس ان هو بتاعى عشان مبقاش استلفت من حد حاجه ف جينا بعد الجواز ب 3 اسابيع طلب منى الدهب عشان يبيعوا عشان بيقول انه كان مستلف فلوس وعايز يسدها ف انا قولتله انى بايعة الخاتم الصغير عشان كذا كذا عمل مشكلة جامدة وقالى لمى هدومك وامشي ف سكت وسمعت الكلام وخدت هدومى وبقيت دهبى معايا قالى سيبي الدهب ده تعبى وشقاية انا مش بتاعك ولو خدتيه انا هفضحك ف الشارع ف قعدت وممشتش واتصل ب اهلى وكانت مشكلة جامدة ونتج عنها انه خد منى بقيت الدهب غصب عنى وباعه وبعدها بشهر امه مكنتش تعرف راح قالها ومشانى من البيت عشانها مع انى ربنا اللى يعلم انا طول الفترة دى مصدرش منى اى حاجه وانا قاعدة عند بيت اهلى دلوقتي بقالى اكتر من 4 شهور وهو وامه بيقولوا عليا كلام مش كويس ومش عايز يجي ياخدنى عايزنى اروح لوحدى واجيب الخاتم اللى انا بعته وياخده منى واقاطع اهلى نهائى وشتم امى واخويا وعمى واتكلم ف عرضى ومش بيبعتلى مصاريف لا ليا ولا لابنه وبيقول انى مليش مصاريف عدنه طالما مش بخدمه هو وامه ولو انا مرجعتش لوحدى مش هيطلقنى وهيسبنى معلقة مع العلم ان هو شغال وعنده دخل وعرفت كمان ان هو عنده مبلغ كويس ف البنك وكان مخبى عليا وامه دلوقتي متحكمة ف الموضوع وهو بيسمع كلامها وانا مش عارفه اعمل ايه انا حرفيآ متدمرة انا ملحقتش افرح حتى حسبي الله ونعم الوكيل
