سمعت خناقة كبيرة بالشقة الى جمبى كان فى صويت وعيال بتصوت ودوشة كبيرة وخلط ورزع
فكرت اخبط عليهم بس خفت ليكسفونى وكمان محدش من العمارة جرب يساعد اصلا ودى حاجة استغربتها اصل الاصوات صعبة يعنى تحس كان فى حد بيعذب مراته او حد بيعذب اهل البيت دول يعنى لازم كنا نتدخل
بس انا كنت بخاف من ردة الفعل وقلت اكيد كل السكان كدة
وهكذا كذا مرة ع ايام متباعدة خلال 3 شهور تقريبا
ومرة كنت بطلع الزباله لقيت قطة خفت منها وقعدت اصوت راحت جارتى الى بتتخانق ديما مع جوزها دى فتحت من صواتى وقعدت تقولى اهدى اهدى دى قطة ولبسة الطرحة وردت باب شقتها ودخلت قعدت معايا
حكتلى على مشاكلها معا جوزها واد اى هو عصبى بشكل بشع وخناقهم بيبقى مذبحة
ومرة فى مرة بقينا ندخل عند بعض ازورها وتزورنى لما يكون اجوازتنا بالشغل ونبعت لبعض اطباق اكل والعيال تلعب مع بعض
وبدئت احكى لجوزى عليها واقولم مدام سهام ست شيك وجوزها قد اى مفترى واد اى عيالها حلوين ونضاف واذكية ماشاء الله وك العادة مركزش بكلامى وكانة ماصدق لقى جارة تشغلنى عنه وعن زنى للخروج كل اسبوع
فيوم لقيت بنتى سارة بتقولى يا ماما انتى احرجتينى قلتلها ليه قالتلى انتى مديانى 4 بسكوت واحد ليا وواحد لعمر اخويا و2 لعيال طنط سهام صح قلتلها اه يا سارة فى اى قالتلى بس ميرا بنت طنط سيهام عندها اخوات تانين عايشين تحت السرير وهى وكانت بتحكيلى عنهم بس مكونتش بشوفهم انهاردة شوفتهم وزعلو اوى انى مجبتلهم بسكوت واضطريت اديهم نصيبى انا وعمر انا فى لحظتها اتشليت مكانى
اخوات..... تحت السرير؟
قلت اكيد العرايس الى بيلعبوا بيهم او بنتى بتتخيل كل الاطفال بسنها بيحصلهم كدة طنشى يا بنتى خيال عيال وطبطبت عليها وقلتلها المرة الجايه هجيبلك اكتر واعمل حساب اخواتها الى تحت السرير وضحكت لقيت بنتى بتبص ورايا ع اخر الشقة وبتضحك قولت ف نفسى بلاش اركز معاها وادى الموضع اهتمام ع ميكبرش لحد م تنسى ....
تانى يوم رحت ازور جارتى بالمرة والعيال بالمدرسة ع اعرف احكى براحتى واخد رئيها اعمل اى مع ميرا عشان تبطل التخيلات وبحكى ليها وانا بضحك عادى ومش مهتمة اوى لقيتها كشرت للحظة وشكل عنيها اتغير ورجع بسرعه اوووى لدرجة انى بقيت شاكة هل اتغير بجد ولا عينى زغللت حسيت كانى جسمة اتنفض م الرعب للحظة وبعدين قلت اكيد خيال شكلى عيشت الدور والجو ولا اى المهم هى استمرت بالحوار بشكل طبيعى جدا ودة خلانى اقول اكيد دة هلاوس اصلها مخدتش ثانية
المهم كملنا كلام وقالتلى عادى بنتى كان بيحصل معاها كدة وخدت فترة بس المهم تطنشيها خالص عشان الموضوع ميكبرش معاها
........
↚
عالم اخر
الجزء الثانى
كملت كلامى مع مدام سيهام بشكل طبيعى جدا اتكلمنا عن الغدا الى هنحضرة انهاردة واد اى الاسعار بقت صعبة لدرجة انها حكتلى ان كيلو البطاطس وصل ل12ج وقعدنا نضحك ونقول البطاطس الى هى صوابع دى بقت ب 12ج ونتريق ونضحك عدت ساعه نسيت الخوف الى حسيته اول م حكيتلها وقلت اكيد البت سارة اثرت فيا
رجعت شقتى وبدئت احضر الغدا جة الولاد اتغدينا ذاكرنا وجة جوزى واتغدى ونزل مشوار قلت يلا يا ولاد خبطوا ع طنط سهام واقعدوا عندها شوية عشان محتاجة انضف البيت واتعمدت اقول لسارة خدى موبايلى واتصورى صور للذكرى مع اخواتها ...
كنت مترددة بالاول بس قلت مش هخسر حاجة
لقيت البت المجرمة بتقولى عندك فضول تشوفى اخواتها الى تحت السرير همة اكيد سمعونا ومستنين وقعدت تضحك...
....هى تضحك وانا هموت واعيط من الكلام ....
مشيت الولاد وبدأت انضف وافكر معقول سارة بتشوف حاجة زى افلام الرعب والكلام دة
ولا مجرد خيال ولفت انتباه المهم قلت انا كدة هتجنن لازم اطنشها زى ما سيهام قالت
بعد منضفت وقربت اخلص الباب خبط والولاد رجعوا
قالولى جعانين حضرتلهم الاكل وسبتهم بالصاله ودخلت اغسل المواعين
بعد 10د بالظبط الباب خبط لقيت مدام سيهام بتقولى معلش الوقت اتاخر وجوزى جة ممكن تندهى على ولادك عشان مش عاوزة ازعلهم وقوليلهم يجوا بكرة براحتهم من اول النهار بكرة جوزى مطبق بالشغل
انا اتشليت فى مكان ...
نعععععععم .... ولاد مين الى اندههم ولاد مين
امال مين الى بيتعشوا دول وجريت على الصاله... ساااااارة عمر
لقيتهم داخلين من باب الشقه فى اى يا ماما بتندهى بزعيق ليه هو بابا جة
بصيت للعيال وهمة ع الباب وبصيت لصنيه السندوتشات الى المفروض محضراهلهم من ربع ساعه والمفروض كانوا ييتعشوا
اغمى عليا من الخضة...
بعد ساعه تقريبا بدأت افوق لقيت جوزى والعيال وسهام ووعيالها وجوزها كلهم مبرقنلى
انتى كويسة ..... ردى ... ردى يا ليلى بقيتى كويسة؟
سارة وعمر كانوا معيطين ومفجعوين عليا
اضطريت اقول انى كويسه
فوقت كدة سالونى اى الى حصل
مردتش احكى قدام الولاد دة غير انى مش فاكرة بالظبط اى الى حصل خفت يضحكوا عليا
نيمت ولادى ولاول مرة بحياتى خايفه احضنهم
عارفين يعنى اى ام خايفه تحضن ولادها
دماغى مشوشة جدااااا
قلبى واجعنى ... دموعى مش بتنزل مش فاهمة فى اى حاسة انى داخلة على حاجة وحشة
انا من جوايا مرعوبة
عملت يانسون وجيت قعدت مع جوزى (كمال)
بدأ يسالنى انتى بقيتى كويسة
قلتله اه الحمد لله قالى اكيد قلتله اه يا كمال فى اى واتعصبت وقلتله داخلة انام...
اصل من امتى كمال بيدنى فرصه احكيله حاجة واكملها يا هيعمل نفسه سامعنى وهو اصلا مش معايا يا هيقولى بس بس بطلى هيل ...
حاول يهدينى ويقولى لو تعبانة نروح نكشف قلتله لا بقيت كويسة
دخلت احاول انام ...جبت الموبايل كان مع سارة فى اوضتها وفاصل شحنته..
قلت افتح الفيس اشوف اخبار الدنيا لحد منام
وبنص منا بقلب ع الفيس افتكرت انى قلت لسارة تتصور هى وعمر وهمة بيلعبوا مع عيال طنط سهام
فتحت الصور ...
الصور كلها مهزوزة فضلت اقلب واقلب .....
اييييه دة.... اى دة اييييييية دة
كماااااال الحقنى كماااااااال ....
للقصة بقية التكملة مثيرة جداا
👇👇👇👇👇👇👇👇👇
للحصول على الجزء الثالت إضغط التالي
↚
الجزء الثالث
لما كنت بقلب فى تليقونى الى لقيته كان حاجة قشعرت جسمى حسيت كانى جسمى تلج مرة وحدة لقيت صورة بنتين من سن بنتى وشهم محروق وشعرهم طويل واصلل للارض الابيض الى بعنيهم لونة احمر وشكلهم مرعبة قلبى وقف من المنظر دول ماسكين بنتى وبيتصوروا جمبها هى وميرا بنت سهام
قعدت اندة على كمال وهو مش بيرد عليا حاول اقول وافتح باب الاوضة مبيتفتحش اهبد واصرخ وانده على كمال والعيال ومحدش بيرد عليا قعدت اصوت اصوت لحد مصوتى اتبح
ملقتش فى امل ان حد يرد عليا حسيت فعلا انى فى مصيبه
وكل دة وراه حاجة وانها مش صدفه فتحت الصور تانى
ملقتش اى حد بالصور غير عيالى وعيال سهام
تقريبا قعدت وحوالى 10د مش عارفه اعمل اى
اصلا مافيش ف ايدى حاجة تتعمل محدش سامعنى
وفجأه حسيت بصوت نفس حد معايا بالاوضى حد بيمشى وبيقرب منى
سمعت اسمى بصوت مرعب ...
ليلى .... ليلى متدوريش ورانا.....
وفجأه باب الاوضة اتفتح...
كمال دخل عليا مالك يا ليلى وشك مخطوف كدة ليه قعدت اعيط انهارت فى العياط مش هتصدقنى يا كمال
مش هترضى تسمعنى انا هموت انا مرعوبة انا مش هقدر اعيش
قالى فى اى يا بنتى متهدى وتقولى فى اى
بدأت احكيلة كل التفاصيل لاول مرة يسمعنى على قد م اطمنت انة بقى معايا بالموضوع على قد ما كونت خايفة ومتلخبطة
قالى اكيد اعصابك تعبانة تعالى نروح نطمن عليكى بكرة
انا احلفله انى كويسه والموضوع مش دكتور مش مصدقنى
قالى نامى طلبت منة نسيب النور مولع ...
حسيت بخيبة امل انة مش مصدقنى مقدرتش اشاركة رعبى وقلقى
انا طول الليل مش عارفه انام طول الليل بسمع صوت نفس بالاوضة صوت حد بيمشى برة الاوضة صوت العفش بيتزق
الساعه 7 الصبح ... صحيته وصحيت الاولاد عشان يروحوا المدرسة
حسيت انى خايفة اقعد بالبيت لوحدى طلبت من كمال يقعد معايا بحجة انى تعبانة
رفض لانه عندة اجتماع ضرورى ولازم يخلص الشغل بدرى عشان هنروح للدكتور
بس انا لو قعدت بالشقة لوحدى انا ممكن اعمل بنفسى حاجة
قررت اخبط على سيهام واحكيلها واقعد عندها لحد م العيال ترجع
استغربت سهام انى رايحالها 7ونص الصبح ولكنها رحبت بوجودى
سالتنى مالك يا ليلى
حكيتلها وطلبت ادخل الاوضة بتاعه ميرا بنتها
الاول اتحججت انها مش نضيفة بس انا اصريت
دخلتنى الاوضة ...
حسيتها مش مريحه ناقصها تفاصيل كتير كانها ناقصة حاجات كتير ضرورية مينفعش تبقى من غيرها اوضة بنت
مافيش مرايا....
قربت من السرير وافتكرت كلمة سارة ....لما قالتلى اخوات ميرا تحت السرير ...
قربت من السرير و اتعمدت اوقع الموبايل ..
تقريبا سهام لاحظت جريت جابته من الارض وادتهولى على طول رد فعلها مطمنيش
اصرت سهام اننا نطلع من الاوضة بسرعه عشان الاكل هيتحرق
طلعنا من الاوضة قالتلى استنى بالريسيبشن هعمل نسكافيه يصحصحنا عشان افهم قصتك اى يا ست ليلى
وبالمرة ابص ع الاكل الى هيتحرق
يادوب مشت سهام ودخلت المطبخ
اتعمدت اقوم كانى رايحة الحمام عشان ابص عليها بتعمل اى بالمطبخ
كنت نفسى عايشة لفيلم رعب انجليزى وانا البطله وبروح بقلب جامد ادور على العفريت وموسيقى تصويريه مرعبة وهب مش هيطلع فى حاجة
عشت الدور اوووى وعملت 7 رجال فى بعض وقمت امثل دور البطله وياريتنى ماقومت سهام مش بالمطبخ مافيش اكل على النار مافيش بتوجاز مولع ......
وقفت اتسمرت مكانى بحاول استوعب دى لسه داخلة قدامى
وقفت لحظات استوعب الموقف
انا اصلا طلعت بالبيت لوحدى ..... مافيش سهام.....
#عالم اخر
الجزء #الراابع والقبل الاخير
اول قصة ليه مستنيه رئيكم
شجعونى 😍
تقريبا وقفت مكانى حوالى دقيقة مش مستوعبه
انا فى اللبيت لوحدى ولا انا بحلم ولا اى بالظبط وبدأت ارجع بضهرى خفت ادى ضهرى للمطبخ معرفش ليه على اساس انى ادرك الموقف وانى فعلا فى مصيبة ماشية الخطوات برغب وحظر شدييييييد باصة للمطبخ حاسة ان عينى اتملت بالدموع بس مش بتنزل وجسمى ساب بينى وبين باب الشقة الطرقة وجزء من الريسيبشن حسيت كان المسافه اطول من الطريق الصحراوى بين مصر واسكندرية
استمريت بالرجوع بضهرى خطوة خطوة ....ومرة وحدة
حاجة خبطت بضهرى اتنفضت وصوت وطرت لاخر الطرقة تانى ..
مالك يا ليلى ههههههههههههههههه اى يابنتى شكلى هجيبلك طسة الخاضة ههههههههههههههههههه
انا... س.س.سسهاام
ازاى ؟
سكت مسكت نفسى
اصلك يابنتى فاجأتينى انا كنت داخله الحمام هو مين
احييييييه معلش يا سهام مضطرة امشى زمان العيش نشف بالفرن انا ازاى نسيته اصلى هعمل. ف ف فته
معلش هجيلك بعد 5د
وجرييييييت حافيه ع شقتى
اول ما فتحت الباب ودخلت النور قطع والشبابيك كلها اتقفلت
العفش بيتحرك
المطبخ مولع نااااااار
وضوت ضحك مرعب ليلى ليلى وضحك مرعب
يا ليلى انا هنا وضحك مرعب
حسيت بخيال بنتين من سن بينتى بدون هدوم وشعرهم طويل بيجروا نحية الحمام
اصوات حد بيمشى بالليفنج
صوت تكسير باوضة النوم قعدت اصرخ اصرخ اصرخ
حد بيحاول بمسك ايدى
يامس شعرى يشد رجلى وانا اتنفض واجرى يمين وشمال اصوات الضحك اتقلبت لصوت عياط بصريخ
وحد بيزقنى ..
صويت وعياط ونار
سمعت حد بيصرخ ليلى .. ليلى . . امشى من هنا
وحد بيضحك لصوت مفزع
خلييييهاااااااا متسيبينيش لوحدة ياليلى
جم البنتين الى بسن بينتى وقفوا قصادى طنط ليلى فين ساااارة وراحوا ضحكوا بنفس الوقت بصوت مفزع قعدت اصوت واجرى من اوضة لاوضة والاصوات ورايا
صويت وعياط وضحك وخيال ونار بالمطبخ تطفى وتولع
بالاخر ظهرت سهام معرفش طلعت من المطبخ ازاى
ليلى ليلى ..... انا ماصدقت
مفكرتش جريت عليها الحقينى الحقينى يلا نجرى
ساعدينى قالتلى متقلقيش
فى اى اهدى اهدى
قعدت اصرخ يلا بسرعه يلا نهرب
راحت قالتلى اهدى وحضنتنى
ومرة وحدة لقيت ليلى بتضحك وتقولى انتى مش عرفانى وصوتها بقى تخين ومرعب وشعرها بعد مكان مربوط بقى طويل ومنكوش زقيتها وببص لوشها لقيتها محروقة وبضهرها بنتين صغيرين محروقين
قعدوا ال3 يضحكوا .ويصرخوا
وقعت بالارض وقعدت ...
اتشليت بمكانى
استسلمت
لقيت شبح سهام دخلت بالنار الى بالمطبخ
بتعمل اكل
والبنات وراها
ماما عاوزين نتغدى احنا جعنا وبيضحكوا
ويبصولى جه جوز سهام دخل المطبخ
جابها من شعرها وفضل يزعقلها ويخبطها بالحيطة يمين وشمال والبنات تضرخ راح شال الانبوبة وحدفها عليها
فى ثانيه المطبخ ولع والنار زادت وخلاص بتقرب منى قعدت اصرخ معدش عندى صوت صوتى راح
بلحظة كل دة اختفى النور رجع
الشبابيك اتفتحت
مافيش نار
مافيش تكسير
مافيش صويت
مافيش ضحك
كله اختفى
بس جسمى مهدوووووووةةةد
ودة كان دليل قوى بالنسبالى
ان كل الى شوفته حصل بشكل ما
قمت ورجلى مش شيلانى
فتحت باب الشقة ونزلت اجرى واصرخ واصوت على السلم
بهدوم البيت
قبلتنى جارتى ام كريم وكانت معاهت البوابه بتجيبها طلبات
سالونى فى اى فى اى
وقعت بالارض بس مفقدتش الوعى
سندونى ودخلونى عند ام كريم وطلبوا
وسالونى فى اى
حكيت كل الى حصل
بصو لبعض بصه مش هنساها
وبنفس واحد
سهاااااام.... سهاااااام
سهام مين
سهام ميته!
قبل ما تسكنى هنا .
من 3سنين جوزها كان بيتخانق معاها خناق بشع وكل اسبوع عند اهلها
وباخر خناقه ولع فيها هى والبنات وهرب
انتى اى الى بتحكيه دة يا مدام ليلى
انتى فاهمة بتقولى اى
انا سمعت كلمة ميته من هنا جة فى بالى ال6 شهور الى فاتوا لما كنت بتغدى عندها وببعت عيالى عندها وبنبعت لبعض اكل وبنتعزم عند بعض
وقعدت اصوت والطم
ميته ..... ميته....... ميته
هدونى وبعد شوية حسيت بالخوف انا مش مستوعبه
مش ممكن ام كريم دى بتكدب
او تكون ميتة زيها
مقدرتش اقعد عندهم قمت جريت وفتحت الباب ونزلت رحت بيت بابا
وطلبت كمال بالشغل الحق انا بمصيبه
هات العيال من المدرسة على بيت بابا وتعالى
فى ظرف ساعه وصل كمال ومخضوض فى اى
حكيتله وانا بعيط وبحلف ان دة حصل معايا
كمال قالى طيب خليكى هنا وهنزل مشوار ساعه واجى
طلع لبابا بالصاله وقاله بنتك شكلها لسعت انا كنت حاجزلها دكتور انهاردة هروح اجيبلها لبس من اللبيت واجى
مشى كمال على الساعه 12 الضهر
الساعه بقت 5 ومجاش اتصلت عليه تليفونة مقفول
لحد الساعه 9 باليل مجاش وتليفونة مقفول
يتبع
الجزء كبر منى فمكنش ينفع اكتب اكتر من كدة عشان مكروتش الاحداث
وعشان القصة لسه بأافها اول باول فمعرفش هتوصل معايا لكن جزء
↚
عالم اخر
الجزء #الراابع والقبل الاخير 😍
تقريبا وقفت مكانى حوالى دقيقة مش مستوعبه
انا فى اللبيت لوحدى ولا انا بحلم ولا اى بالظبط وبدأت ارجع بضهرى خفت ادى ضهرى للمطبخ معرفش ليه على اساس انى ادرك الموقف وانى فعلا فى مصيبة ماشية الخطوات برغب وحظر شدييييييد باصة للمطبخ حاسة ان عينى اتملت بالدموع بس مش بتنزل وجسمى ساب بينى وبين باب الشقة الطرقة وجزء من الريسيبشن حسيت كان المسافه اطول من الطريق الصحراوى بين مصر واسكندرية
استمريت بالرجوع بضهرى خطوة خطوة ....ومرة وحدة
حاجة خبطت بضهرى اتنفضت وصوت وطرت لاخر الطرقة تانى ..
مالك يا ليلى ههههههههههههههههه اى يابنتى شكلى هجيبلك طسة الخاضة ههههههههههههههههههه
انا... س.س.سسهاام
ازاى ؟
سكت مسكت نفسى
اصلك يابنتى فاجأتينى انا كنت داخله الحمام هو مين
احييييييه معلش يا سهام مضطرة امشى زمان العيش نشف بالفرن انا ازاى نسيته اصلى هعمل. ف ف فته
معلش هجيلك بعد 5د
وجرييييييت حافيه ع شقتى
اول ما فتحت الباب ودخلت النور قطع والشبابيك كلها اتقفلت
العفش بيتحرك
المطبخ مولع نااااااار
وضوت ضحك مرعب ليلى ليلى وضحك مرعب
يا ليلى انا هنا وضحك مرعب
حسيت بخيال بنتين من سن بينتى بدون هدوم وشعرهم طويل بيجروا نحية الحمام
اصوات حد بيمشى بالليفنج
صوت تكسير باوضة النوم قعدت اصرخ اصرخ اصرخ
حد بيحاول بمسك ايدى
يامس شعرى يشد رجلى وانا اتنفض واجرى يمين وشمال اصوات الضحك اتقلبت لصوت عياط بصريخ
وحد بيزقنى ..
صويت وعياط ونار
سمعت حد بيصرخ ليلى .. ليلى . . امشى من هنا
وحد بيضحك لصوت مفزع
خلييييهاااااااا متسيبينيش لوحدة ياليلى
جم البنتين الى بسن بينتى وقفوا قصادى طنط ليلى فين ساااارة وراحوا ضحكوا بنفس الوقت بصوت مفزع قعدت اصوت واجرى من اوضة لاوضة والاصوات ورايا
صويت وعياط وضحك وخيال ونار بالمطبخ تطفى وتولع
بالاخر ظهرت سهام معرفش طلعت من المطبخ ازاى
ليلى ليلى ..... انا ماصدقت
مفكرتش جريت عليها الحقينى الحقينى يلا نجرى
ساعدينى قالتلى متقلقيش
فى اى اهدى اهدى
قعدت اصرخ يلا بسرعه يلا نهرب
راحت قالتلى اهدى وحضنتنى
ومرة وحدة لقيت ليلى بتضحك وتقولى انتى مش عرفانى وصوتها بقى تخين ومرعب وشعرها بعد مكان مربوط بقى طويل ومنكوش زقيتها وببص لوشها لقيتها محروقة وبضهرها بنتين صغيرين محروقين
قعدوا ال3 يضحكوا .ويصرخوا
وقعت بالارض وقعدت ...
اتشليت بمكانى
استسلمت
لقيت شبح سهام دخلت بالنار الى بالمطبخ
بتعمل اكل
والبنات وراها
ماما عاوزين نتغدى احنا جعنا وبيضحكوا
ويبصولى جه جوز سهام دخل المطبخ
جابها من شعرها وفضل يزعقلها ويخبطها بالحيطة يمين وشمال والبنات تضرخ راح شال الانبوبة وحدفها عليها
فى ثانيه المطبخ ولع والنار زادت وخلاص بتقرب منى قعدت اصرخ معدش عندى صوت صوتى راح
بلحظة كل دة اختفى النور رجع
الشبابيك اتفتحت
مافيش نار
مافيش تكسير
مافيش صويت
مافيش ضحك
كله اختفى
بس جسمى مهدوووووووةةةد
ودة كان دليل قوى بالنسبالى
ان كل الى شوفته حصل بشكل ما
قمت ورجلى مش شيلانى
فتحت باب الشقة ونزلت اجرى واصرخ واصوت على السلم
بهدوم البيت
قبلتنى جارتى ام كريم وكانت معاهت البوابه بتجيبها طلبات
سالونى فى اى فى اى
وقعت بالارض بس مفقدتش الوعى
سندونى ودخلونى عند ام كريم وطلبوا
وسالونى فى اى
حكيت كل الى حصل
بصو لبعض بصه مش هنساها
وبنفس واحد
سهاااااام.... سهاااااام
سهام مين
سهام ميته!
قبل ما تسكنى هنا .
من 3سنين جوزها كان بيتخانق معاها خناق بشع وكل اسبوع عند اهلها
وباخر خناقه ولع فيها هى والبنات وهرب
انتى اى الى بتحكيه دة يا مدام ليلى
انتى فاهمة بتقولى اى
انا سمعت كلمة ميته من هنا جة فى بالى ال6 شهور الى فاتوا لما كنت بتغدى عندها وببعت عيالى عندها وبنبعت لبعض اكل وبنتعزم عند بعض
وقعدت اصوت والطم
ميته ..... ميته....... ميته
هدونى وبعد شوية حسيت بالخوف انا مش مستوعبه
مش ممكن ام كريم دى بتكدب
او تكون ميتة زيها
مقدرتش اقعد عندهم قمت جريت وفتحت الباب ونزلت رحت بيت بابا
وطلبت كمال بالشغل الحق انا بمصيبه
هات العيال من المدرسة على بيت بابا وتعالى
فى ظرف ساعه وصل كمال ومخضوض فى اى
حكيتله وانا بعيط وبحلف ان دة حصل معايا
كمال قالى طيب خليكى هنا وهنزل مشوار ساعه واجى
طلع لبابا بالصاله وقاله بنتك شكلها لسعت انا كنت حاجزلها دكتور انهاردة هروح اجيبلها لبس من اللبيت واجى
مشى كمال على الساعه 12 الضهر
الساعه بقت 5 ومجاش اتصلت عليه تليفونة مقفول
لحد الساعه 9 باليل مجاش وتليفونة مقفول
يتبع
الجزء كبر منى فمكنش ينفع اكتب اكتر من كدة عشان مكروتش الاحداث
وعشان القصة لسه بأافها اول باول فمعرفش هتوصل لفين
يلا شجعونى ع الجزء الأخير ♥
نزلت القصة بدرى اهو من تشجيعكم ♥♥
↚
رواية عالم آخر . اقوى روايات الاثارة والرعب.. الجزء الخامس والاخييييير
كمال لحد الساعه 9 تليفونة مقفول ومش بيرد على تليفون البيت قلت لبابا خلى الولاد عندك هروح البيت اشوف كمال ماله انا قلقت جدددددددا وجاى بدماغى 100 سيناريو
بابا رفض بالاول ينزلنى بس انا اصريت وسبته ونزلت
اول ما نزلت كلمت خالد اخويا....
هو مكنش يعرف اى حاجة من اول الموضوع اصلا لحد انهاردة الصبح مكنش فيه موضوع يتحكى اصلا
المهم كلمت خالد...
ليلى...الوووووو خاااالد الحقنى .......
خالد ....مالك يا ليلى فى اية يا بنتى انا مش فاهم منك حاجة اهدى كدة وفهمينى
..ليلى...معلش يا خالد حصلنى بسرعه على بيتى محتجاك ضرورى سيب كل حاجة فى ايدك وتعالا بسرعه بالله عليك
خالد .... طيب اقفلى سلام
ركبت تكسى وطيران ع البيت وطول الطريق جة فبالى كل حاجة جت فى بالكم تكون حصلت مع كمال واوحشها بالنسبالى انة مصدقنين ك العادة واهمل كلامى زى ماهو هاملنى بكل تفاصيل حياتى ويكون نفض ليا او خرج مع صحابه ك العااااادة
افكاااار وافكااااااار وافكاااااااااار لحد موصلت
النور قاطع بالعمارة اضطريت اطلع على السلم ....
طببعا انا طالعه اجرى عماله اتخيل حد يطلعلى بوشى
حد يشدنى .. حد بيجرى ورايا
اول ما وصلت الدور بتاعى لقيت قطط كتييييير واقفه قدام باب الشقة واول ماشفونى قعدوا ينونو باصوات مرعبه حساهم ناس بتصرخ مش قطط
جيت افكر انزل اجرى لقيت السلم ورايا اتملى قطط
وينونو بصوت مرعب قعدت اصرخ اصرخ
باب شقة سهام اتفتح وطلع منه نار وصوت ناس بتصرخ
والقطط تدخل وتطلع عادى من النار
ومرة وحدة
ظهرت سهام من وسط النار
صوووووووووووت صووووووت وفضلت اصوت مش عارفة اطلع ولا انزل
سمعتنى ام كريم جارتى وندهت عليا مرة وحدة النور جة والقطط اختفت وباب شقة سهام اتقفل
طلعتلى ام كريم وجوزها وقعت بالارض
سندونى طلعنا شقتى
فتحتهى وهما معايا
كان ابو كريم رافض نهااااائى انهم يجو
بس ام كريم اصرت واتحايلت عليه
فتحت باب الشقة ....
لقيتها مكركبة اووووووووى مع ان الصبح لما جريت وسبتها مكانتش كدة
اتفجعت اكتر ودخلت ادور على كمال لقيته مغمى عليه باوضة النوم
ومعاه شنطة فيها طقم ليا .....
بباللحظة دى جة خالد ....... سالنى فى اى
انا الى جاى عليا اندة ع كمال وازقه واحاول افوقة واعيط ومش قادرة اخد نفسى
كمال مات... مااااااات...ماااااات والطم
انا السبب انا السبب
ام كريم حكت لخالد ملخص الى حصل الصبح
شدنى بعدنى عن كمال
وقرب منة .....
وبعد شوية قالى كمال عايش وكويس ماتقاقيش
سندة هو وابو كريم وطلعوة على السرير
ورشوا على وشة ماية وبرفان
فاق كمال وقعد يصوت يصوت
نااااااار عفاريت قططط
ويصرخ ويكرر الكلام
كانو هيموتونى
سهام عفرييييييت سهاام شيطااااان هيموتونى ويصرخ ويعيط
كانت اول مرة بحياتى اشوف كمال بيعيط وضعيف وبالحاله دى
حاولنا نهدية
وحكينا لخالد كل الموضوع وابو كريم حكاله قصة سهام وبناتها
استوعب خالد الموقف جدااااا لا حد من صحابه مرة بتجربة زى دى قبل كدة
كلم صاحبة دة وحكاله الى فهمة فصاحبه اداله عنوان واحد وطلب منة يروحلة ضرورى
المهم خالد نزل بساعتها وطلب من ابو كريم وام كريم والبواب يفضلو موجودين لحد م يجى
بخلال نص ساعه وصل خالد ومعاه شيخ
حكيناله كل الى حصل .....
الشيخ بالاول كان رافض يساعدنا نهاااااائى وقال حجج كتير منها ان دة موضوع نفسى ومرة مش مستاهل
ضغطنا عليه جدااا يشوفلنا حل ويفهمنا فى اى
قال انا مقدرش اعمل حاجة غير انى اقولكم لاااازم تسيبوا البيت
ولحد ما تقدروا تمشوا شغلوا قرأن
ساله خالد يعنى اى يا عم الشيخ انت جاى تساعدنا وتحل المشكلة ولا ترعبنا
هو فى اى دة معتز صاحبى مشكر فيك جدا لما حليتله موضوع اخته
قاله اخته ايييييييه
الى انتوا فيييييع دة لعنة لازم تمشوا ولو انا ساعدت فيها انا هتأذى
انا اسف مش هقدر مش هقدر مش هقدر ولسه جاى الشيخ يمشى
باب الشقة اتقفل والنور قطع
والمطبخ ولع نااااااار وظهرت سهام هى وبنتين وشهم محروق وقعدوا يصرخوا بلاش تأذونا تانى وصريخ وصويت ونار واصوات قطط
واحنا طبعا قعدنا نصرخ وحاولنا نهرب بابا الشقة اختفى
الشبابيك اختفت
مافيش مكان للهروب وسط الصراخ والاصوات المرعبة
لقيت صوتى مرة وحدة تخن جدااااااا
وقعدت اضحك بصوت مش صوتى واعمل حاجات مجبورة عليها
اضحك بشكل مرعب واقولهم هقتلكم كلكم قبل متأذونى
خافو جدا منى
جريت بشكل سريع ومرعب نحية الشيخ الى بدأء اسمع صوت من جواه انه ناوى يعملها .......
وقبل مقرب عشان اقتله
بدأ يقرا اية الكرسى ....
اتهبدت بالارض
انا حاسه بكل حاجة بس معنديش سيطرة على نفسى
قعدت اشتال واتهبد بالارض بشكل قوى ومرعب
واخربش وشى
والشيخ يعلى صوتة ويقرا قرأن
وكل ميقول اتشال واتهبد وحسة كانى مربوطة بالارض
على صوتة وطلب من كل الناس يكرروا كلامه بصوت عالى
على الصوت على الصووووووت
وانا وداااااانى حسيتها هتنفجر
هموت ..... وعماله اخبط دماغى بالارض واخربش وشى
... انا حاسه بكل حاجة
همة مش راحمنى
انا عماله أأذى نفسى
فى حاجة مسيطرة عليا
مش انا الى بعمل كل دة
نفسى اقولهم عشان ويبطلوا
مش قادرة استحمل
وفى اللحظة دى
اغمى عليا من كتر الوجع
والجاى كلة همة حكهولى بعد اسبوع من اليوم دة.....
قعد يطلب الشيخ من روح سهام تطلع منى
رفضت فضل يعذب روحها جوايا....
وبعد 4 سعات
صرخت واتشالت واتهبدت بالارض
فضل يسالنى اساله مردتش عليه
قال الموضوع خلص
مكونتش حابب اشترك فيه
لو حصلى حاجة مش مسامحكم
ساله خالد هو كان فى اى .....
قاله دى روح سهام رافضه تموت
وهتفضل تاذى اى حد يسكن بالشقتين دول وممكن العمارة وممكن الشارع كلة لازم تمشوا
نقلونى على المستشفى
جالى كسر فى دراعى وارتجاج بالمخ
بعد اسبوع اتحسنت كان خلال الفترة دى كمال شاف شقة تانية
نقلنا الحمد لله
فضلت سنة كاملة مخليه بابا وماما عايشين معانا
الحمد لله كابوس وعدى
وبدأت احاول ارجع لحياتى تانى
كمال بدأ يهتم بيا واتعلم الدرس لو كان اهتم من الاول مكنش حصل كده
بعد سنة بالزبط من اليوم الاسود دة نزلت العيال المدرسة
وكمال راح الشغل
على الساعه 10 الصبح الباب خبطب
حسبته البواب حضرت الزبال
وفتحت الباب
لقيت سهام وبناتها بوشى
بنفس المنظر المرعب
وش محروق
شعر منكوش
ومعاهم هدية
وقالولى مبروووووووك على الشقة الجديدة
إضغط التالي للمفاجأة الكبيرة
↚
