قصة واقعية بين بنات العم نعيد نشرها بمناسبة ظهور نتيجة الثانوية

طالبتين بنات عم ساكنين فى بيت واحد ، فى الثانويه العامه واحده جابت 98.5% و التانيه جابت 70% قامت ام 98.5% لغت الصداقه مع بنت عمها ع الفيس و قالتلها انا هدخل طب و هيبقى الاكونت كله دكاتره و كدا ! :

الاولى دخلت طب فعلا
التانيه دخلت تجاره

الاولى فرحت بالبالطو الأبيض و لقب دكتوره و حست بنفسها ..! :
التانيه دخلت كلية الشعب و عينها ع القمه

الاولى طول اليوم بوستات تعرف الناس انها بتدرس فى طب و ان الدراسه صعبه و انها بتعانى
التانيه لغت صفحتها من ع الفيس !

فى_آخر_السنه
الاولى جابت جيد بالعافيه
التانيه جابت امتياز

بعد_أربع_سنين
الاولى كانت فى رابعه طب
التانيه كانت الاولى على دفعتها و بقت مُعيده

بعد_سبع_سنين
الاولى اتخرجت من طب و بقت دكتورة و اتخصصت نساء و توليد !
التانيه بقت دكتوره فى الاستثمار و اتجوزت و معاها معاذ و منه " توأم "

الاولى جالها تعين فى وحدة الصحة 100 ف بدر حلاوه
التانيه اتعينت مستشاره فى الحكومه غير انها دكتوره فى الجامعه !

الاولى لسه لها اكونت ع الفيس بتشير عليه بوستات معاناة الاطباء و حملة وضع حارس قضائى على دار الحكمه ..
التانيه لها اكونت على تويتر و بتطلع تغريداتها فى النشرات الاقتصاديه و الاكونت الشخصى عليه اساتذة جامعه و مسئولين فى الحكومه و مشاهير

الاولى بتحضر مؤتمرات فى قاعات النقابه و هتموت على رحلة شرم بتاعة شركات الادويه
التانيه كل لقاءاتها فى شيراتون و انتركونتننتال و سان ستيفانو

الاولى اتجوزت دكتور
التانيه ولادها فى حضانه لغات

الاولى هفها عقلها و كتبت روشته فيها أوجمنتين جالها الصيدلى قالها عيشى عيشة اهلك الناس هنا اقصى امانيهم فلوموكس ..!
التانيه بتعمل لقاءات بالفيديو كونفرس

الاولى بعتت للتانيه ادد
التانيه قبلته و فتحت لها الفريندس عشان تشوفهم و بعدين اديتها بلوك ..!

الغرض منه : يتوقف حلمك عندما تموت !
الحلم مش بكليه القمة اللي بتحلم تدخلها عشان تحقق ذاتك !
الحلم مش إنك تطلع دكتور أو مهندس !
الحلم إنك تحقق ذاتك في المكان اللي انت فيه وتسيب بصمتك ! وممگن تدخل كليه ف نظر الشعب مش قد كدا..بس لما تدخلها يحسدوگ ع مكانتگ اللي حققتها ذاتگ...التعليم مش ف الگليات القمه